A Feira Internacional de Galicia pon en marcha un novo salón adicado única e exclusivamente aos sectores gandeiro e agrícola.

GandAgro 2010 proxectouse como un monográfico especializado que concentrará durante tres días e nun mesmo espazo á oferta e á demanda agropecuaria da Península.

Este salón celebra a súa primeira edición coa vocación de dar resposta ás necesidades da gandería e agricultura, constituíndo a plataforma de negocios e  o escaparate de propostas e novidades que o sector primario necesitaba e demandaba.

Será ademais un foro de debate no que agricultores, gandeiros, importadores, distribuidores, fabricantes, expertos e administración poderán coñecer e dar a coñecer os aspectos máis relevantes destes sectores, as súas preocupacións e a súa situación actual.